كان ياما كان في قديم الزمان >>> جيتك يامعين تعيني ؟؟؟؟‏

كان ياما كان في قديم الزمان

يعني يوم الخميس 29/11/1429ه

كان فيه واحد جاي من وادي الدواسر

وده يتفرج على السيول في صبخة القصب

اللي تجيك قبل القصب على اليسار وانت جاي من الرياض

المهم الرجال وقف سيارته على جال البحيره ونزل يتمشى

مادرى الا الماء وصل موتره

حاول يطلع لكن ما امداه

كفراته صارت تدور في الطين

المهم ترك موتره يمرح يوم جا الصبح ويفزع له راعي حراثه

حاول يسحب الجيب لكن صارتهذي النتيجه

ومن جهة أخرى

تلاحظون الزمزميه ؟؟

شكلهم وسعوا الصدر عند الحراثه

مسيكينه هالحراثه

راحت فيها

[img:bea6]http://www.alqasabup.com/data/27/30/storm_194_dsc08748-[].jpg[/img:bea6]

هالحين الحراثه تقول

طلعوووووني وش لقفني اجي فيذا

[img:bea6]http://www.alqasabup.com/data/27/30/storm_504_dsc08756-[].jpg[/img:bea6]

المهم أشروا لراعي سقس على الخط وجا يبي يسحب الحراثه

وكانت هذي النتيجه

وهذي صورة ثانيهولاحظ قرب خط الزفلت

وعرفوا ان الموضوع يبي يطول والدليل ترمس المويه!!

قالو مابدهاش لازم نجيب دركتل

لكن شوفو وش صار

من شفت الطاسه اللي حاطها ورى واناغاسل يدي

قامت الحراثه تضحك

قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده

المهم قالو الحل الأخير هو الاتصال بالدفاع المدني وقامو وزينواالشاهي بعد ما خلص الشاهي اللي في الزمزميه

وقعدو يتقهوون بالابريق اللي قدامكم

وفعلا جا الوايت علشان يسحب هاللي غاطسين

وشوفوا وش صار

وتركو الجيب والحراثه والسقس والدركتل

وحاولو ايطلعون الوايت

شكل السواق توهق وانواع الجزاءات بتطبق عليه

وحاولوا كثيراً بدون فايده

يوم انهم عجزوقالواما يفل الحديدالا الحديد

جيبوا ابو جنزير

ويجيك يتمخطر ويضحك على هاللي غاطسين

لكن جاه ماجا ربعه

تعلق اخينا في الله وقال هذا مكاني

[img:bea6]http://www.alqasabup.com/data/27/30/storm_867_dsc08743-[].jpg[/img:bea6]

وجابواعمال البلدية يحفرون له وحطو له خشب يبونه يطلع لكن ما فاد

[img:bea6]http://www.alqasabup.com/data/27/30/storm_855_dsc08741-[].jpg[/img:bea6]

وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير

قررو يسحبونها من بعيد

ربطوا عدة وايرات في بعض وطلعو ابو جنزير ويقولون ان الدركتل اللي سحبه على الزفلت

هههههههه الصبخة ما يلعب معهاعلى الزفلت وعساك تسلم

[img:bea6]http://www.alqasabup.com/data/27/30/storm_995_dsc08773-[].jpg[/img:bea6]

ثم سحبو الدركتل

والحمدلله على السلامه

هذي صورة للموقع من بعيد

يستفاد من الموضوع

1- لاتهايط اذا شفت السيل

2- حاول تستفيد من اللي توهقوا قبلك

3- مهوب كل من اتصل بالدفاع المدني يبي يطلع

وفي الاخير شكراً لمن قام بالتصوير

تسلم اخوي ع الطرح الرائع

دمت بنور ال محمد

» كان ياما كان في قديم الزمان...احلى واجمل قصة..الدخول اجباري
» كان يا ما كان في قديم الزمان وحاضر العصر والاوان